திருப்புகழ் # 223 - Thiruppugazh song - நாவேறு பா மணத்த - சுவாமிமலை

This page in Tamil Hindi/Sanskrit Telugu Malayalam Bengali Kannada English ITRANS Marati Gujarathi Oriya Singala Tibetian Thai Japanese Urdu Cyrillic/Russian

223 சுவாமிமலை திருப்புகழ் ( குருஜி இராகவன் # 109 - வாரியார் # 212 )
நாவேறு பா மணத்த
முன் திருப்புகழ் அடுத்த திருப்புகழ்

தானான தான தத்த தானான தான தத்த
தானான தான தத்த ...... தனதான

நாவேறு பாம ணத்த பாதார மேநி னைத்து
     நாலாறு நாலு பற்று ...... வகையான
நாலாரு மாக மத்தி னூலாய ஞான முத்தி
     நாடோறு நானு ரைத்த ...... நெறியாக
நீவேறெ னாதி ருக்க நான்வேறெ னாதி ருக்க
     நேராக வாழ்வ தற்கு ...... னருள்கூர
நீடார்ஷ டாத ரத்தின் மீதேப ராப ரத்தை
     நீகாணெ னாவ னைச்சொ ...... லருள்வாயே
சேவேறு மீசர் சுற்ற மாஞான போத புத்தி
     சீராக வேயு ரைத்த ...... குருநாதா
தேரார்கள் நாடு சுட்ட சூரார்கள் மாள வெட்டு
     தீராகு காகு றத்தி ...... மணவாளா
காவேரி நேர்வ டக்கி லேவாவி பூம ணத்த
     காவார்சு வாமி வெற்பின் ...... முருகோனே
கார்போலு மேனி பெற்ற மாகாளி வாலை சத்தி
     காமாரி வாமி பெற்ற ...... பெருமாளே.

Easy Version:
நாவேறு பாம ணத்த
பாதாரமே நினைத்து
நாலாறு நாலு பற்று வகையான
நாலாரும் ஆகமத்தின்
நூலாய ஞான முத்தி
நாடோறு நானு ரைத்த நெறியாக
நீவேறெ னாதிருக்க
நான்வேறெ னாதிருக்க
நேராக வாழ்வதற்குன் அருள்கூர
நீடு ஆர் ஷடாதரத்தின் மீதே

Add (additional) Audio/Video Link

நாவேறு பாம ணத்த ... நாவினில் இருந்து வெளிப்படும் பாமலர்களின்
நறுமணம் கமழும்
பாதாரமே நினைத்து ... பாதத் தாமரைகளையே நினைத்து,
நாலாறு நாலு பற்று வகையான ... (4..ஐ 6..ஆல் பெருக்கி வந்த
24..ம் 4..ம் சேர்ந்த) 28 சிவ சம்பந்தத்தை உடையதும்,
நாலாரும் ஆகமத்தின் ... சரியை, கிரியை, யோகம், ஞானம் என்ற
நான்கு பாதங்கள் பொருந்தினவாயும் உள்ள சிவாகம
நூலாய ஞான முத்தி ... நூல்களில் கூறப்பட்டுள்ள ஞான முத்தி
நெறியே
நாடோறு நானு ரைத்த நெறியாக ... நாள் தோறும் நான்
அனுஷ்டிக்கும் நெறியாகவும்,
நீவேறெ னாதிருக்க ... நீ வேறு என்றில்லாமல்
நான்வேறெ னாதிருக்க ... நான் வேறு என்றில்லாமல், ஜீவாத்மாவும்
பரமாத்மாவும் ஒன்றுபட்ட நிலையில்,
நேராக வாழ்வதற்குன் அருள்கூர ... நேர்பட்டு வாழ்வதற்கு உன்
கிருபை பெருகி,
நீடு ஆர் ஷடாதரத்தின் மீதே ... பெருமை பொருந்திய ஆறு
ஆதாரங்களையும் கடந்து

1
	send corrections and suggestions to admin @ sivaya.org thiruppugazh song

நாவேறு பா மணத்த

thiruppugazh song